ਪੂਰੀ ਦੁਨੀਆਂ ਵਿੱਚ ਆਈ. ਟੀ. ਸੈਕਟਰ ਵਿੱਚ ਤਰੱਕੀ ਹੋ ਰਹੀ ਹੈ । ਪੰਜਾਬ ਦੀ ਸਕੂਲੀ ਸਿੱਖਿਆ ਨੂੰ ਇਸ ਦੇ ਹਾਣੀ ਬਣਾਉਣ ਦੇ ਭਰਪੂਰ ਯਤਨ ਵਜੋਂ ਸਕੂਲਾਂ ਵਿੱਚ ਕੰਪਿਊਟਰ ਸਿੱਖਿਆ ਨੂੰ ਬੜੇ ਸੁਚੱਜੇ ਢੰਗ ਨਾਲ ਲਾਗੂ ਕੀਤਾ ਹੋਇਆ ਹੈ । ਸਕੂਲਾਂ ਦੇ ਅਧਿਆਪਕਾਂ / ਕਰਮਚਾਰੀਆਂ ਦਾ ਜਿਲ੍ਹਾ ਪੱਧਰ ਅਤੇ ਰਾਜ ਪੱਧਰ ਦੇ ਦਫ.ਤਰਾਂ ਨਾਲ ਤਾਲਮੇਲ ਸੁਚਾਰੂ ਢੰਗ ਨਾਲ ਬਣਾਉਣ, ਉਨ੍ਹਾਂ ਦੇ ਦਫਤਰੀ ਕੰਮ ਸਮੇਂ ਸਿਰ ਅਤੇ ਘੱਟੋ_ਘੱਟ ਜਾਂ ਬਿਨਾਂ ਨਿਜੀ ਸਮੂਲੀਅਤ ਤੌਂ ਕਰਨ ਲਈ ਡੀ.ਈ.ਉ. ਦਫਤਰ ਦੀ ਵੈਬਸਾਈਟ ਤਿਆਰ ਕੀਤੀ ਗਈ ਹੈ । ਇਸ ਅਧੁਨਿਕ ਸੰਚਾਰ ਪ੍ਰਣਾਲੀ ਦੀ ਸੁਚੱਜੀ ਵਰਤੋ ਦੇ ਉਪਰਾਲੇ ਨਾਲ ਦਫਤਰਾਂ ਨੂੰ ਲੋੜੀਂਦੀ ਸੂਚਨਾ ਬੜੇ ਸੁਖਾਲੇ ਢੰਗ ਨਾਲ ਪ੍ਰਾਪਤ ਹੋ ਸਕੇਗੀ । ਇਸ ਵੈਬਸਾਈਟ ਉਪਰ ਅਧਿਆਪਕਾਂ / ਕਰਮਚਾਰੀਆਂ ਨੂੰ ਲੋੜੀਂਦੇ ਦਸਤਾਵੇਂਜ/ ਪ੍ਰੋਫਾਰਮੇ ਅਸਾਨੀ ਨਾਲ ਉਪਲਬਧ ਰਹਿਣਗੇ ਅਤੇ ਉਹ ਇਸ ਵੈਬਸਾਈਟ ਉਪਰ ਦਿੱਤੇ ਕੈਲਕੁਲੇਟਰ ਨਾਲ ਆਪਣੇ ਜੀ.ਪੀ.ਐਫ., ਏ.ਸੀ.ਪੀ. , ਐਨ.ਪੀ.ਐਸ. ਆਦਿ ਦਾ ਹਿਸਾਬ ਵੀ ਕਰ ਸਕਣਗੇ । ਮੈਂ ਉਮੀਦ ਕਰਦੀ ਹਾਂ ਕਿ ਸਿੱਖਿਆ ਵਿਭਾਗ ਅਤੇ ਇਸ ਦੇ ਸਮੂਹ ਕਰਮਚਾਰੀਆਂ ਨੂੰ ਇਸ ਦਾ ਭਰਪੂਰ ਫਾਇਦਾ ਹੋਵੇਗਾ ਅਤੇ ਸਿੱਖਿਆ ਵਿਭਾਗ ਤਰੱਕੀ ਦੀਆਂ ਪੁਲਾਂਘਾਂ ਪੁੱਟਦਾ ਰਹੇਗਾ ।